Milan, pas sulmeve të Manchester United, tani duhet të mbrohet nga ato të Chelsea për të mbajtur Donnarumma në ekip. Sipas “Daily Mail”,
në fakt, “Blutë” kanë vënë në shënjestër pikërisht portierin e ri të kuqezinjve. Kjo sepse Thibaut Courtois mund të përfundojë te Real Madrid.
17vjeçari titullar i skuadrës së Mihajlovic pëlqehet shumë nga Conte, që ka dëshirë t’i besojë çelësat e portës të “Stamford Bridge”. Janë
gati 38 milionë euro për të bindur presidentin Berlusconi. Një shifër e rëndësishme, që do të fusë në mendime drejtuesit milanezë. Dëshira e
Milan është që të mos e shesë lojtarin, por para ofertave të tilla është me të vërtetë e vështirë të thuash jo.
Portieri konsiderohet nga shumë si e ardhmja dhe janë të shumtë ata që e krahasojnë me Buffon. Shifrat, sigurisht, janë në favor të tij, por
ai ka akoma një rrugë të gjatë për të bërë. Galliani dhe Raiola kanë arritur një marrëveshje për rinovimin e Donnarumma deri në 2019ën
(është minoren dhe nuk mund të nënshkruajë për më shumë se tre vite) me një rritje të rrogës deri në një milion euro, por tani situata ka
ndryshuar. Për 17vjeçarin e kombëtares “axurre” Under 21 interesohen United, City, Real Madrid dhe Barcelona. Megjithatë, Chelsea është
skuadra që ka bërë lëvizjen e parë. Tani i takon Bersluconit dhe Gallianit të marrin një vendim.
