Një tërmet i fuqishëm me magnitudë 8.1 ballë i shkallës Rihter ka goditur brigjet jugore të Meksikës. Epiqendra ishte rreth 100 km (62 milje) në jug-perëndim të qytetit të Pijijiapan, jo shumë larg kufirit me Guatemalën. Deri tani janë raportuar 5 të vdekur.
Një paralajmërim për tsunami është lëshuar për 8 shtete: Meksikën, Guatemalën, Salvadorin, Kosta Rikën, Nikaragua, Panamanë dhe Honduras. Ka gjasa të ndodhë brenda 3 orëve të ardhshme.Tërmeti u ndje në Mexico City, me ndërtesa të cilat u dridhën dhe njerëz që vraponin në rrugë nga frika. Dridhjet u raportuan të kenë zgjatur deri në një minutë. Për pasojë ka pasur shkatërrime të ndërtesave në Meksikën jugore dhe Guatemalë.
Një vizitor në qytet, Luis Carlos Briceno, tha për Reuters: “Unë kurrë nuk kam parë diçka të tillë që toka të dridhet kaq shumë”. Në disa zona të kryeqytetit meksikan është raportuar ndërprerje e energjisë elektrike. Në shtetin Chiapas të Meksikës, më afër epiqendrës së tërmetit, shkollat janë mbyllur.
Nëse konfirmohet magnituda 8.1, tërmeti do të ishte i barabartë në forcën e tërmeteve që goditën Meksikën në vitet 1995 dhe 1985. Kjo e fundit goditi në afërsi të qytetit të Meksikos dhe shkaktoi mijëra të vdekur. Nuk ka paralajmërim për tsunami për bregun perëndimor të SHBA në tërmetin e fundit. Aktualisht Meksika po kërcënohet gjithashtu në bregun e saj lindor nga Uragani Katia.
Kategoria e uraganit është rreth 300 km në jug-lindje të Tampicos dhe është shoqëruar me erëra 140km / h, thuhet nga Qendra Kombëtare e Uraganeve.
