Një ngjarje e rëndë ka ndodhur në familjen e aktorit shqiptar Shkëlqim Daja, i njohur për disa intepretime në filmat e socrealizmit gjatë viteve ’80. Daja i cili jeton prej shumë vitesh me familjen në Kanada ka humbur djalin e tij 15 vjeçar Denisin mbrëmjen e djeshme. Opinion.al mëson se djaloshi është vrarë mbrëmë gjatë një party adoleshentësh, ndërkohë që nuk jepen të tjera të dhëna mbi mënyrën se si ka rrjedhur ngjarja. Kjo është një goditje shumë e rëndë për prindërit e tij Shkëlqimin dhe Karmelen, edhe për faktin që Denisi ishte djali i tyre i vetëm. Ndërkohë që ngushëllime të shumta familja ka marrë edhe nga bashkëatdhetarët që jetojnë në Shqipëri./ Opinion.al
