Kryetarja e Lëvizjes Socialiste për Integrim, Monika Kryemadhi, të enjten, është shprehur se ish-ministri i Brendshëm Saimir Tahiri do të dënohet me arrest shtëpie.
Kryemadhi u shpreh për emisionin ‘Opinion’, se kjo do jetë prova më e madhe që maxhoranca i ka shërbyer krimit të organizuar.
Kreu i LSI-së e quajti një teatër të shëmtuar dhe kryeministri Edi Rama e bëri kurban Tahirin.
E pyetur se si do të vazhdojë “çështja Tahiri”, Kryemadhi tha se ,“Çështja Tahiri” nuk mbyllet me një arrest shtëpie të tij, është një çështje që do të vazhdojë. E kam thënë dhe sot paradite, Tahiri është një ushtar në perandorinë e Edi Ramës.
