Partia Socialiste e Durrësit ka reaguar ditën e sotme në lidhje me sasinë lëndës shpërthyese që është vendosur gjatës natës, pranë zyrës elektorale të LSI.
Në një njoftim zyrtar PS e Durrësit e dënon këtë akt vandal dhe kërkon që organet ligjzbatuese të zbardhin menjëherë ngjarjen.
Nisur nga akuza që erdhi nga LSI, konkretisht nga ministri Lefter Koka, PS e quan këtë reagim nxitim dhe që tregon një inskenim të ngjarjes nga vetë LSI.
Njoftimi i PS Durrës
Në radhë të parë dënojmë ngjarjen e sotme dhe distancohemi nga ky akt i turpshëm vandal.
Kërkojmë nga organet ligjzbatuese hetimin dhe zbardhjen sa më të shpejtë të ngjarjes, e cila nuk i sherben aspak zhvillimit normal të procesit zgjedhor.
Shprehim keqardhje që LSI ende pa u kryer asnjë hetim nga organet ligjzbatuese nxiton të akuzojë.
Nxitimi për të akuzuar, më së shumti, ngre dyshimet për një ngjarje të inskenuar nga vet LSI me synim përdorjen e saj për qellimet elektorale të ditës.
Asnjë tentativë për tensionimin e situates nuk do mund të dalë me sukses pasi fushata në tërësi ka qenë e qetë dhe pa probleme.
Qytetarët e Durresit e refuzojne dhunen dhe tensionin pasi duan të shkojnë të qetë drejt kutive të votimit për të shprehur me votë vullnetin e tyre të lirë.
