Në mëngjesin e 2 janarit, rreth orës 00:58, në qytetin suedez Helsingborg ndodhi një shpërthim i madh eksplozivi në banesën e vajzës së veprimtarit të njohur në Kosovë, Nasim Haradinaj.
Nga shpërthimi i fuqishëm u plagos Ariana Haradinaj, e cila punon si infermiere në këtë qytet dhe është duke u përgatitur që të fillojë studimet në Suedi. KosovaPress ka kontaktuar babanë e Arianës, z. Nasim Haradinaj i cili është është pyetur nëse sulmi ndërlidhet me veprimtarinë e tij politike.
“Vendosja e eksplozivit në ndërtesat ku banojnë civilë është akt terrorist pa marrë parasysh se kush është objekt sulmi. Unë nuk dëshiroj që të bëhen spekulime rreth motiveve të këtij akti sepse u takon autoriteteve të hetuesisë suedeze që ta hetojnë rastin dhe tek pasi të ndriçohet në tërësi ky rast atëherë institucionet e drejtësisë së këtij vendi do ta thonë fjalën përfundimtare edhe për motivet e sulmit”, Tha Haradinaj. Pas trajtimit të plagëve në spital, policia suedeze e ka strehuar Arianën në një vend të sigurt.
Nasim Haradinaj është nënkryetari i OVL-UÇK, shoqatë e veteranëve të UÇK-së.
