Detaje të reja janë zbardhur lidhur me shpërthimin e tritolit në banesën e gjyqtarit Tonin Sterkaj në Shkodër.
Tashmë policia është e bindur se shpërthimi ka qenë i qëllimësh për në banesën e gjyqtarit. Deri më tani nuk ka persona të dyshuar, por referuar pamjeve të kamerave të sigurisë, shihet një person që vjen në këmbë lë sasinë e lëndës plasëse dhe po ashtu në këmbë largohet përmes rrugicave.
Autori është me rroba të errta dhe i maskuar. Hetuesit janë përqendruar në verifikimin e kamerave të sigurisë në një rreze më të largët për të lokalizuar autorin. Nga ana tjetër, gjyqtari Sterkaj nuk ka ndihmuar shumë hetuesit për t’i dhënë një drejtim të qartë të hetimeve, pasi nuk ka dijeni se kush mund të jetë autor.
