Ka shkuar në 30 të vdekur dhe 100 të plagosur, bilanci i një aksidenti të ndodhur në Pakistanin jugor, ku një tren doli nga shinat.
Disa vagona të Hazara Express u përmbysën pranë stacionit hekurudhor Sahara në Naëabshah, rreth 275 km (171 milje) nga qyteti më i madh Karaçi.
Pasagjerët e plagosur u dërguan në spitalet aty pranë. Ekipet e shpëtimit po përpiqen të nxjerrin njerëzit e mbetur nën rrënoja.
Aksidentet në sistemin e vjetër hekurudhor të Pakistanit nuk janë të rralla.
Ministri i Hekurudhave Saad Rafiq tha se hetimet fillestare treguan se treni po udhëtonte me shpejtësi normale dhe ata po përpiqeshin të përcaktonin se çfarë çoi në daljen nga shinat.
Një zëdhënës i hekurudhave në Karaçi tha se të paktën tetë vagonë dolën jashtë binarëve.
Disa njerëz ishin ende të bllokuar brenda një vagoni treni, sipas transmetuesit lokal Geo.
“Nuk e dimë se çfarë ndodhi, thjesht ishim ulur brenda”, tha një grua e trullosur që u shpëtua nga një karrocë, ndërsa të tjerët po i merrnin me ambulancë./Opinion.al
