Vendosja e fashave të rreme në veshin e djathtë është trendi më i ri në Konventen republikane që zhvillohet prej disa ditësh ne Milwaukee.
Delegatet e Arizonës përmes këtij gjesti simbolik kanë treguar se janë solidarizuar me ngjarjen e rëndë që i ndodhi në Pensilvani dhe se e mbështesin fortë në rrugëtimin e tij drejt Shtëpisë së Bardhë.
Në Konventën republikane, kandidati për zëvendës President James David Vance u zotua për të luftuar për amerikanët e klasës punëtore që ai argumentoi se ishin lënë mënjanë dhe harruar nga demokratët.
Duke iu prezantuar miliona amerikanëve, senatori i Ohajos sulmoi politikanët e karrierës si presidenti Joe Biden ndërsa tha se Trump ishte shpresa e fundit më e mirë për amerikanët.
Ai u ndal edhe tek atentati ndaj Trump në Pensilvani.
“Ata e akuzuan si tiran. Ata thanë se ai duhet të ndalohet me çdo kusht. Por si u përgjigj Trump? Ai bëri thirrje për unitet kombëtar, për qetësi kombëtare.”
Ai së fundmi ka moderuar qëndrimin e tij për abortin për t’u lidhur me platformën zyrtare republikane, e cila thotë se çështja duhet të vendoset nga shtetet individuale.
Ai nuk e përmendi luftën në Ukrainë gjatë fjalimit të tij dhe nuk foli fare për politikën e jashtme, e cila ishte tema e ditës së tretë të konferencës së partisë.
Konventa katër-ditore do të kulmojë me fjalimin e Trump, kur ai zyrtarisht pranon nominimin e partisë për t’u përballur me demokratin Joe Biden në një ripërsëritje të garës së tyre si në vitin 2020.
