Doktor Skerdi Faria ka zbuluar gradualisht, përmes postimeve në rrjetet sociale, detaje nga investimet e reja në spitalin ditor “KEIT”.
Është fjala për pavijonin e ri me 8 shtretër dhe një sallë operatore, i pajisur me të gjithë teknologjinë avangardë në funksion të pacientit, por jo vetëm kaq.
I pyetur lidhur me këtë investim, Faria shprehet se synon të sjellë një koncept të ri në sallat e kirurgjisë estetike, duke kuptuar jo vetëm anën funksionale të tyre, por dhe një pamje të këndshme për stafin operacional dhe për pacientin.
I apasionuar pas astronomisë dhe ndjekës i rregullt i faqes së NASA-s, doktor Skerdi e ka konceptuar këtë sallë si një anije kozmike. Pa dashur të zbulojë shumë detaje ai shprehet se në fakt ky koncept nuk ka lidhje vetëm me pamjen e jashtme të pavijonit të ri, por edhe me me funksionimin e tij ku të gjitha pajisjet do të jenë të njëjta me ato të sallave më të avancuara të spitaleve në Europë dhe ku siguria e ndërhyrjeve, ashtu si në sallat ekzistuese do të jetë maksimale.
Sallat e operacioneve në spitalin ditor KEIT përmes teknologjisë së fundit evitojnë çdo gabim njerëzor dhe garantojnë nivelin 100% të sterilizimit, duke evituar çdo rrezik për infeksione apo komplikacione.
Duke qenë i vetmi spital ditor i liçencuar në vend, KEIT kryen numrin më të madh të ndërhyrjeve kirurgjikale estetike, jo vetëm të pacientëve shqiptarë, por edhe të atyre të vendeve të tjera të BE-së.
Aktualisht me një staf prej më shumë se 170 personash të punësuar, dhe me gati 13 vite eksperiencë, KEIT është sot spitali më i madh ditor i kirurgjisë estetike në Europë.
