Tre persona kanë mbetur të plagosur ditën e sotme në qytetin e Elbasanit.
Ngjarja ndodhi brenda ambienteve të një lokali pranë Pallatit të Sportit “Tomorr Sinani”.
Mësohet se sherri i cili degjeneroi deri në përdorimin e armëve ka nisur për një çështje borxhesh.
Tre të plagosur, Fevzi Ago (pronari i barit) Astrit Cërriku dhe Mihal Kocashi. Të tre personat janë plagosur me pistoletë.
Ndërkohë, në gjendje të rëndë shëndetësore paraqitet Astrit Cërriku, por jashtë rrezikut për jetën.
Bëhet me dije se Astrit Cërriku ka marrë 6 plumba në këmbë,ndërsa për dy shtetasit e tjerë njëri është plagosur në këmbë dhe tjetri në syrin e majtë, pasi i kanë goditur me qytën e pistoletës.
Deri në këto momente policia nuk ka asnjë person të arrestuar lidhur me ngjarjen, ndërsa ka njoftuar se janë ngritur pika të shumta kontrolli në disa nga rrugët e qytetit e Elbasanit./ Opinion.al E.Xh.
