Forcat e Komisariatit Nr.1 të Policisë së Tiranës kanë arrestuar një 19-vjeçar si një nga të dyshuarit që hodhën lëndë plasëse artizanale dhe piroteknike gjatë protestës së opozitës më 8 Shkurt, që shkaktuan dëmtimin e 3 punonjësve të policisë.
I riu me iniciale E.T., banues në Tiranë, dyshohet se me disa persona të tjerë ende të paidentifikuar, hodhën lëndët piroteknike përpara Kryeministrisë në drejtim të punonjësve të policisë, duke lënduar 3 prej tyre.
Gjithashtu, policia nisi procedimi në gjendje të lirë për 4 persona të tjerë, O. Gj., 18 vjeç, A. D., 40 vjeç, D. C., 19 vjeç, të tre banues në Korçë dhe F. L., 24 vjeç, banues në Tiranë.
Pas përfundimit të protestës është këqyrur vendi i ngjarjes, ku janë sekuestruar në cilësinë e provës materiale objekte dhe sende të hedhura në drejtim të punonjësve të policisë dhe selisë së Kryeministrisë, të cilat janë dërguar për ekspertim të mëtejshëm.
Vijon këqyrja e pamjeve filmike për identifikimin e personave të tjerë të përfshirë në veprimtari kriminale.
Opozita protestoi pasditen e 8 Shkurtit përpara godinës së Kryeministrisë në bulevardin “Dëshmorët e Kombit”.
