Janë ndërprerë përkohësisht kërkimet për tre minatorët kinezë në minierën e Bulqizës. Kërkimi është ndërprerë për shkak të rrjedhjeve të gazit.
Tre minatorët kanë mbetur të bllokuar në nivelin 21 të minierës që prej të shtunës dhe mundësia që ata të gjenden të gjallë është shumë e vogël.
Ora News një ditë më parë solli pamjet e operacionit të kërkimit të tre minatorëve.
Reparti i Inspektim Shpëtimit të Minierave punon në kushte jashtëzakonisht të vështira operacionin për kërkimin e tre minatorëve kinezë, pasi thellësia është shumë e madhe.
