Shumë njerëz e kanë pjesë të rutinës së tyre të përditshme një gotë verë. Ndihmon te relaksohesh përpara gjumit, ka benefite shëndetsore e madje vera përmirëson edhe cilësinë e bisedës (nëse po e konsumoni në shoqërinë e dikujt). Por nëse jeni nga ata persona që konsumojnë verë shpesh, natyrisht nuk mund të lësh pagën mujore në këtë hobi, sepse verërat mund të jenë të shtrenjta. Nga ana tjetër mund të jetë e vështirë edhe të zgjedhësh një verë të mirë në supermarket.
Ne jemi këtu për t’ju ndihmuar të kuptoni se çfarë e bën një verë të mirë, dhe si të merrni më të mirën me çmim të lirë.
Ajo që e bën një verë të shtrenjtë është natyrisht vjetërsia dhe fermentimi të cilat kalojnë në procese ekstra dhe për pasojë rrisin çmimin. Verërat me çmim të lirë janë ato që janë më të thjeshta për t’u bërë. Këto janë varietetet më të sigurta, që kanë çmim të lirë dhe janë të shijshme:
Cabernet Sauvignon
Është shumë e thjeshtë të bësh verë më këtë lloj rrushi pasi njihet për mbijetesë të kushteve më të këqija. Moti i keq dhe toka e keqe nuk përbëjnë aspak problem! Kur verëprodhuesit punojnë me rrush të lirë, është shumë e vështirë ta bëjnë punën keq. Ndaj nëse do pini verë nga një gotë plastike, zgjidhni Cabernet Sauvignon.
Verë e gazuar
Keni arsye për të festuar? Shumë mirë! Keni edhe lejen tonë për të blerë një shishe verë të gazuar në dyqanin pranë shtëpisë tuaj. Shampanja mund të jetë zgjedhje elegante por nuk bën për të gjithë. Kërkoni Cava, një verë e gazuar frutash, e thatë dhe elegante që vjen nga Spanja e veriut dhe prodhohet njësoj si shampanja. Një tjetër variant i mirë është Cremant, gjithashtu e ngjashme me shampanjën. Nëse nuk i mbani mend këto emra, dy variante të tjera të sigurta që nuk do t’i harroni janë Metodo Classico dhe Spumante.
Vinho Verde
Keni dëgjuar për Vinho Verde? Është një pije alkolike glorioze që nuk e kuptoni kurrë sa nevojë keni për të në ditët e nxehta të verës derisa e provoni. Duke qenë se prodhohet në Portugali, një vend i njohur për prodhim verërash, mund ta gjeni një shishe nën 1000 lekë patjetër.
Edhe pse për verëdashësit ky informacion është i vështirë për t’u harruar, nëse për ndonjë arsye nuk ju kujtohen emrat e verërave që janë zgjedhje të sigurta, po ju japim dy variante të tjera që nuk duhet t’i merrni KURRË me çmim të lirë, përndryshe do t’ju ngelet një shije e keqe dhe vera merr një reputacion që nuk e meriton.
Pinot Noir
Pinot Noir është e kundërta e Cabernet Sauvignon. Nëse kaberneti mund t’i rezistojë të gjitha kushteve, Pinot Noir është “Princesha mbi bizele” e verërave. Kushtet e rritjes duhet të jenë perfekte për të arritur shijen e mrekullueshme që ju njihni dhe dashuroni. Pinotët e lirë që nuk kanë marrë vëmendjen dhe kujdesin e duhur nuk e meritojnë shijimin tuaj.
Chardonnay
Shardoneja shpesh merr një reputacion të keq prej shijes së ëmbël dhe të drurit. Kjo ndodh sepse prodhuesit e lirë të kësaj vere shpesh i tejkalojnë procedurat e rëndësishme dhe shtojnë shijues artificial. Kjo lloj vere shkakton edhe një “hangover” të tmerrshëm. Fermentimi dhe vjetërsimi i Shardonesë kushtojnë ca, por i japin një shije të mrekullueshme kur procesi është i përfunduar./Opinion.al
