Halloween-i është dita ku lidhja e botës tonë me botën e shpirtrave është më fuqishme. Halloween-i është një festë pagane dikur shtrigat e përdornin për të realizuar magjitë e tyre pasi besonin se forcat e errëta ishin më të fuqishme. Sot kjo festë është kthyer në një ditë ku njerëzit veshin kostume të frikshme ose jo, dhe pse jo një pretekst më shumë për të festuar.
Për ata të cilët duan të jenë më tradicional, ne kemi sjellë 3 histori të shkurtra të cilat kanë ndodhur pikërisht më 31 tetor, të treguar nga njerëzit në rrjetet sociale
1 – “Unë kam instaluar në telefon një aplikacion i cili regjistron ciklet e gjumit. Nëse gërrhet apo flet gjatë gjumit, ky aplikacion i regjistron dhe ti tregon të nesërmen. Halloweenin e kaluar në orën 3.30 të mëngjesit, unë kisha thënë “Urdhëro” dhe në sfond dëgjohej zëri i çuditshëm i një burri. Unë jetoj vetëm…” Hannah Gargulak
2 – “Studioja në Angli dhe një mbrëmje për “Halloween” vendosëm të shkonim në një club i cili supozohej se kishte një fantazëm. Sipas historisë, në atë club dikur kishte vdekur një hajdut, dhe që prej asaj dite të gjithë klientët kishin përjetuar histori paranormale. Unë nuk u besoj shumë këtyre gjërave, por me insistimin e shoqerisë vendosa të shkoja. Kur po kthehesha në shtëpi, gjej në xhepat e xhaketës një thikë nga ai club. Pyes shokët e mi nëse ishte ndonjë shaka, por të gjithë e mohuan. Xhaketa ishte e re, dhe xhepat ishin të zbrazur. Nuk mund ta ketë futur askush pasi gjatë gjithë kohës ishte në karrigen ngjitur me mua dhe unë do e kisha vënë re. Rachel Syens
3 – “Natën e Halloween-it përpara dy vitesh nuk do ta harroj kurrë. Në zyrën time në shtëpi, kam të instaluar një monitor ku shoh dhomën e fëmijës tim të vogël. Isha duke parë nga monitori se si djali po buzëqeshte dhe dëgjoja zërin e gruas teksa i këndonte. Ishte errësirë dhe nuk e dalloja qartë gruan time në monitor. Teksa po shihja këtë skenë, hapet dera e zyrës time, dhe vjen gruaja me disa ushqime. Në dhomën e djalin “gruaja” vazhdonte ende ti këndonte….”/Opinion.al
