Brenda vitit, në Spitalin Publik të Sëmundjeve të Brendshme në Shqipëri do të ofrohet edhe transplanti i veshkave.
Shefi i Shërbimit të Kirurgjisë në QSUT, Arben Gjata thotë se janë rreth 30 pacientë në vit që priten të përfitojnë nga transplanti i veshkave në vend.
“Brenda vitit do realizojmë transplantin e veshkës në spitalet publike nga ekipet tona duke u mbështetur fillimishte dhe nga ekipi italian. Duke nisur nga numri i pacientëve që bëjnë dializë dhe nga gadishmëria e familjarëve se është me donatorë të gjallë veshka, është dhe gadishmëria për të dhuruar veshkën për të afërnmit etyre që mesatarja mund të jetë 20-30 raste në vit.”
Përsa i përket transplanteve të organeve të tjera si mëlçia apo pankreasi, Gjata thotë se po përgatitet paketa ligjore.
“Ndërsa për transplantin e mëlçisë dhe të organeve të tjera është një program më afatgjatë, pasi kërkon përpilimin e një ligji të veçantë, kërkon futjen e Shqipërisë në bankën e transplanetve europiane dhe pjesa tjetër e rëndësishme që është bindja e popullatës për të dhuruar organe, pasi bëhet fjalë për mëlçinë që duhet të merret nga donatorët të gjallë që kanë humbur jetën.”
Bindja e popullatës për dhurimin e organeve, shihet si pika kyçe në realizimin e transplaneteve të tjera në Shqipëri. Prej vitit 2015, transplanti i veshkave kryhej në spitale private me financim 100 % nga shteti./ Tv Klan
