Futbollistët e Kombëtares janë të përshtatshëm për Serie A në Itali.Disa prej tyre luajnë aktualisht, por sipas Paolo Tramezzani ka edhe të tjerë që vlejnë.
Ai mendon se mesfushorët energjikë Taulant Xhaka dhe Amir Abrashi mund t’i shërbejnë Fiorentinës.
“Taulant Xhaka është i përshtatshëm për modelin e lojës së Paulo Sousa, mund të jetë i përshtatshëm edhe Amir Abrashi i Freiburg që është një lojtar interesant” – tha zv/trajneri i Kombëtares i kontaktuar nga Radio Bruno në Itali.
Xhaka është një njohje e vjetër e Pauolo Sousa, pasi e ka stërvitur te Basel, ndërsa Abrashi në ta kaluarën ishte pjesë e Grasshopper në Superligën e Zvicrës.
Paolo Tramezzani është një njohës i mirë i futbollit italian, si pjesë e emisionit Domenica Sportiva në Rai Due.
TV Klan
