Portali i njohur “goal.com/it”, ka shkruar se një tjetër trajner italian zbret në futbollin shqiptar. “Pas suksesit të madh të De Biazit në pankinën e Kombëtares shqiptare, tani e ka radhën Andrea Agostineli të fitojë publikun e tij: Partizani në fakt ka zyrtarizuar trajnerin e ri”,-shkruan “goal.it. “Partizani, Andrea Agostineli do të jetë trajneri i ri”
Me një njoftim të shkurtër e ka përcjellë lajmin e kalimit të teknikut italian në klubet shqiptare portali “Tuttomerrcatoëeb.com”. Duke cituar ekspertin e futbollit Alefredo Pedulla, “ish-trajneri i Napolit do të ulet në pankinën e Partizanit”.
“Puna e jashtëzakonshme e kryer nga De Biazi në pankinën e Shqipërisë (kualifikim në “Euro 2016” e arritur në një tur jo të lehtë) po kthehet në modë për teknikët italianë në vendin e adriatikut, shkruan “Europacalcio.it”. Ndërsa citon deklaratën zyrtare të klubit të Partizanit.
“Agostineli, nga Verrase te Partizani”
Kështu e nis artikullin e saj portali “prealpina.it”, duke theksuar se tekniku 58-vjeçar përvojën e fundit e ka në vitin 2013, pasi u zëvendësua nga Fabricio Beavers në Serinë B. (Panoramasport)
