Trajneri i Islandës, Heimir Hallgrimson (që bën dentistin “në kohën e lire”), disa orë përpara startit të sfidës ndaj Argjentinës, në konferencën për shtyp të ditës së djeshme, ka dalë hapur: “Nuk kam asnjë formulë për të ndalur Mesin”.
Duke shtuar se, megjithatë, “s’do u jap lojtarëve asnjë udhëzim për mënyrën si do e ndalin: normalisht, do ishte e padrejtë të caktoja dikë për të ndjekur Mesin”.
Për Islandën ku do jetë Botërori i parë në historinë e kombëtares skandinave dhe në ndeshjen debutuese do përballet pikërisht ndaj njërit prej lojtarëve më të fortë në botë, kapitenit argjentinas.
“Të gjithë përpiqen ta ndalin, por ai shënon gjithmonë sepse është një nga lojtarët më të fortë në planet: duhet të punojmë së bashku, të ndihmojmë njëri-tjetrin dhe të luajmë si skuadër”. Një nga arsyet që shtynë Hallgrimson të heqë dorë nga markimi individual mbi Leon, është se “rreth tij ka shumë lojtarë të tjerë të talentuar”, u shpreh trajneri islandez, duke u shpjeguar: “Të gjithë më pyesin për Mesin, por skuadra e Argjentinës ka lojtarë të tjerë të mëdhenj: secili prej tyre luan në skuadrat elitare në gjithë botën”.
Panorama
