Një aksident i rëndë automobilistik në autostradën Prishtinë-Ferizaj, i ka marrë jetën tre personave.
Referuar “Indeksonline”, një kamion është përplasur me një autoveturë me targa të huaja dhe si pasojë e këtij aksidenti kanë vdekur dy femra dhe një djalë.
Ngjarja e rëndë ka ndodhur në autostradë, pranë fshatit Llugaxhi, ndërsa policia dhe autoambulanca kanë mbërritur në vendngjarje.
Lajmin e konfirmoi zëdhënsja e policisë për rajonin e Prishtinës, Flora Ahmeti.
Ahmeti theksoi se në orën 7:30 ka ndodhur një aksident i rëndë me pasoje vdekjen e tre personave.
Ajo bëri me dije se aksidenti ka ndodhur në autostradën Prishtinë-Ferizaj, pranë fshatit Llugaxhi, ku një kamion është përplasur me një autoveturë.
Nga ky aksident humbën jetën dy femra dhe një mashkull.
