Sekret i tmerrshëm ishte zhdukja e një gruaje 61-vjeçare amerikane, e cila humbi në vitin 2015, por më në fund u gjet në murin e shtëpisë së saj tre vjet më vonë.
Autoritetet e Policisë së Teksasit kanë publikuar fotot e sendeve personale të gruas së pafat, si syzet e saj dhe këpucët që ajo kishte veshur kur ajo ishte “e bllokuar” brenda murit, pasi kishte rënë nga një vrimë në papafingo për shkak të një dërrasa të thyer.
Sipas Daily Mail, fqinjët e Mary Stewart Cerruti kishin filluar të shqetësoheshin në vitin 2015 duke parë se zarfat me letra ishin mbledhur jashtë derës së shtëpisë së saj dhe ajo ishte zhdukur prej disa javësh.
Përfundimisht ata deklaruan zhdukjen e gruas tek Autoritetet, por gjurmët e saj kurrë nuk arritën të gjendeshin përkundër hulumtimeve të gjera. Gjashtë nga macet e gruas, u gjetën në shtëpi të ngordhura nga uria, duke treguar se mungesa e të moshuarës nuk ishte e planifikuar dhe se diçka e keqe kishte ndodhur me të.
Në maj të vitit 2017, kur pronarët e rinj u vendosën në shtëpi, gjetën disa të eshtra kur ata shkurtuan një pjesë të murit si pjesë të rinovimit, ata menjëherë i njoftuan autoritetet./PROlajm.al
