Një ngjarje tejet e rëndë ka ndodhur mbrëmjen e djeshme rreth orës 22:00 në rrugën “Dritan Hoxha”, në Laprakë. Një fëmijë 13 vjeç me kombësi egjiptiane por që jetonte prej vitesh me familjen në Tiranë, ka rënë nga ballkoni, duke humbur jetën. Sot gazeta Shqiptarja.com shkruan se familjarët e kanë kuptuar me vonesë mungesën e tij në shtëpi.
Fëmija, ka qenë duke luajtur i vetëm në ballkon kur ka rënë aksidentalisht nga lartësia prej 10 katesh. Aksidenti ka qenë fatal, 13 vjeçari ka mbetur i vdekur në vend, dhe askush ska patur mundësi ti japë ndihmën e parë.
I ati i fëmijës punon në kolegjin e Katarit në Tiranë, ku mësonte edhe fëmija i tij. Çifti nga Egjipti kishin 5 fëmijë dhe jetonin në Laprakë në palletet “Karavan”.
/Opinion.al
