Pas 5 vitesh mund të thuhet se tashmë ka drejtësi për familjen e katër të rinjve francezë të vdekur mbrëmjen e 13 gushtit 2011 në austradën A26, Roça Grimalda, të cilët u përplasën nga Ilir Beti, shqiptari i cili drejtonte makinën i dehur në krah të kundërt
Trupi i Gjykatës së Apelit në Torino e dënoi Betin me 18 vite e katër muaj për vrasje të vullnetshme.
Dhënia e verdiktit është shoqëruar me lot gëzimit nga të afërmit e viktimave, të cilët ishin pjesë e një procesi shumë të gjatë gjyqësor.
Gjatë natës së tragjedisë humbën jetën Julien Jean Raymond 26 vjeç, Vincent Lorin 22 vjeç, Audrey Reynard 24 vjeç dhe Elsa Desliens 22 vjeçe, e cila vdiq disa orë më pas në spital.
Nga kjo tragjedi mbeti i traumatizuar edhe një djalë i cili që nga ai moment nuk e mori më veten nga trauma., pasi humbi katër miqtë e tij./ Opinion.al Dritan Laci
