Një shqiptar 22 vjeçar ka humbur jetën nga orteku në Alpet franceze, pasi ishte bërë pjesë e një kampi legjionarësh të huaj që stërviten për llogari të ushtrisë franceze.
Denis Halili, 22 vjeç nga Dibra, është viktima shqiptare e kësaj tragjedie natyrore në Francë, ku kanë humbur jetën pesë ushtarë.
Humbjen e djalit e konfirmoi për gazetën TemA familja e Denisit, si dhe ambasada shqiptare në Francë.
Nga ekipet e shpëtimit u gjenden 14 ushtarë, 4 prej të cilëve ishin plagosur sipas zyrtarëve francez.
Sipas medieve franceze, ata ishin pjesë e një grupi prej 50 ushtarësh të cilët po bënin ski në afërsi të qendrës së skive në Valfrez.
