Tragjedia në Vlorë/ Ngjarje aksidentale apo vrasje? Gjenden shenja dhune te viktimat

Ka marrë një tjetër rrjedhë tragjedia e sotme në Vlorë, ku nënë e bir u gjetën të shkrumbuar në një banesë në lagjen “1 Maji”. Në fillim u tha se shkak për këtë tragjedi ku humbën jetën Saklie Hoxhallari 73 vjeç dhe Novruz Hoxhallari 43 vjeç ishte shpërthimi i një bombole gazi. Por gjatë ekspertizës paraprake mjeko-ligjore në trupin e viktimave janë gjetur shenja dhune. Kështu mësohet se në trupin e së moshuarës u gjetën shenja dhunë në qafë, ndërsa në atë të të birit u gjetën shenja dhune në kokë. Gjithsesi u mbetet organeve hetimore për të zbardhur të vërtetën. Ndërkohë që nga kjo tragjedi kanë shpëtuar bashkëshortja dhe djali 3 vjeçar i Novruz Hoxhallarit, të cilët janë larguar më herët nga banesa.