Ministri për Evropën dhe Punët e Jashtme, Igli Hasani ka reaguar pas dy tragjedive me humbje jetësh, të ndodhura në Cetinje të Malit të Zi dhe në New Orleans të SHBA-së.
Përmes një postimi në rrjetet sociale, Hasani shprehu ngushëllimet e tij për familjet e viktimave.
Ai e mbyll shkrimin duke shprehur solidaritet me kombet mike, në këto akte të pakuptimta me humbje jetësh.
Postimi i plotë:
Zemërthyer për tragjeditë me humbje jetësh në Mal të Zi afër Cetinjes dhe në SHBA, në New Orleans. Ngushëllimet tona më të thella shkojnë për miqtë malazezë dhe amerikanë dhe për familjet e të gjitha viktimave.
Shërim të shpejtë të gjithë të lënduarve dhe shprehim solidaritetin tonë me komunitetet e prekura nga këto akte të pakuptimta dhune, duke shpresuar për qëndrueshmëri dhe unitet përballë një dhimbjeje të tillë.
