Rrok dhe Prena Tataj, të moshës 60 dhe 56 vjeç u gjetën pa jetë sot paradite në banesën e tyre në lagjen “Pavarësia” në Vlorë. Nga të dhënat e para mësohet se çifti i bashkëshortëve është asfikësuar, për shkak të rrjedhjes së gazit.
Në vendin e ngjarjes ka shkuar policia, e cila pritet të zbardhë shkaqet e sakta vdekjes së tyre. Më poshtë pamje nga apartamenti i viktimave në Vlorë.
Njoftimi i policisë
Më datë 22.12.2017, rreth orës 11:15, Salla Operative Vlorë është njoftuar nga një telefonatë se në një banesë në lagjen ”Pavarsia”, janë gjetur të pajetë dy shtetas.
Shërbimet e Policisë kanë shkuar menjëherë në vendngjarje ku kanë konstatuar se në banesën e shtetasit Rr.T., në lagjen ”Pavarsia”, si pasoje e asfiksimit të rrjedhjes së gazit janë gjetur të pajetë dy bashkëshortët Rr.T. 60 vjeç dhe P.T., 56 vjeç.
Trupat e pajetë janë transportuar në morgun e Spitalit Rajonal Vlorë për tu kryer ekspertiza mjeko-ligjore.
Grupi hetimor po punon për zbardhjen e plotë të rrethanave të ngjarjes.
/Opinion.al
