Trajnerja e qitëses, Dhurata Prifti që humbi jetën dy ditë më parë në një aksident tragjik në Tiranë, shprehet se nuk ka mundur të shohë videon e përplasjes që i solli asaj vdekjen.
“Kur hyra në shtëpi po e shikoja rastin si një grua që më ka ardhur jashtëzakonisht keq por kur mora lajmin për Dhuratën, ka ardhur bashkëshorti dhe e ka fikur televizorin. Ai nuk donte që unë ta shikoja sepse unë me Dhuratën takohesha çdo ditë, shkonim në stërvitje së bashku”, thotë Diana Mata, gjithashtu qitëse shumë herë kampione e vendit dhe nënkampione e Evropës. Mata, gjithashtu qitëse shumë herë kampione e vendit dhe nënkampione e Evropës
Qitësja flet për njohjen me Dhuratën dhe pasionin e saj për qitjen që nga koha, kur garonte për Partizanin, Tiranën e së fundmi për Studentin. Trajnerja Mata tregon se e ka njohur Dhuratën në ballkaniadën e Malit të Zi, kur ishin pjesë e ekipit kombëtar. Në këtë kohë, Dhurata ishte pjesë e ekipit të Partizanit e më vonë kaloi te Tirana e së fundmi te Studenti.
Mata thotë se menjëherë pasi ishte marrë vesh lajmi rëndë, pati një reagim të menjëhershëm nga mjaft qitës që janë në aktivitet, por edhe ata ndër vite. Por trajnerja e njohur, ishkampionia e shumëfishtë e Shqipërisë, hedh dyshime nëse drejtësia do të bëjë si duhet detyrën e saj në këtë rast.
/Report TV
