Një tjetër tragjedi me emigrantë u shënua të dielën në ujërat e Detit Egje.
Të paktën 25 emigrantë, 13 prej të cilëve fëmijë, u mbytën në brigjet turke pranë qytetit Didim në përpjekje për të mbërritur në Greqi.
Një tjetër barkë u përmbyt të dielën pranë ishullit Kos në Greqi, ku roja bregdetare shpëtoi rreth 13 emigrantë afganë dhe pakistanezë.
Këto zhvillime vijnë vetëm pak orë pas samitit thelbësor midis Bashkimit Europian dhe Turqisë, me qëllim zgjidhjen e krizës dhe kontrollimin e fluksit nga Lindja e Mesme.
Brukseli i premtuar Ankarasë një fond ndihme prej 3 miliardë eurosh, në këmbim të sistemimit të refugjatëve në Turqi, duke ndërtuar kampe të posaçme.
Kësisoj Bashkimi Europian do të mbante refugjatët larg territorit të tij dhe do të deklaronte të mbyllur rrugën e kalimit përmes Ballkanit.
Rreth 13 mijë persona mbeten të bllokuar në kufirin mes Greqisë dhe Maqedonisë, pas vendimit të Austrisë për të ulur kuotat e pranimit, çka detyroi Shkupin të mbyllë dyert.
