Një tragjedi me përmasa të kobshme ajo në familjen Preka, e cila mbrëmjen e sotme humbi tre pjesëtarë të familjes në aksidentin e ndodhur në aksin Shkodër-Velipojë, në vendin e quajtur Kisha e Velipojës, ku si pasojë e përplasjes së fortë të dy mjeteve, humbën jetën Edmond Preka, djali i tij 8 muajsh Rajan, vajza e tij 5 vjeçare Ajsel ndërkohë që në gjendje të rëndë për jetën ndodhen bashkëshortja dhe vajza 10 vjeçare, Noemi. Ndërkohë që i plagosur rëndë ka mbetur edhe drejtuesi i mjetit Hyundai, Sokol Mujo. Por si është gjendja e të plagosurve? Në një prononcim për mediat, mjekët thonë se vajza 10 vjeçare e viktimës 10 ndodhet në gjendje kritike për jetën, por nuk mund të transportohet në Tiranë për shkak se mund të rezultojë fatale.
Ndërkohë që përveç vajzës, në spital po marrin ndihmë edhe gruaja e viktimës dhe dy djemtë që ndodheshin në makinën tjetër, shkruan shqiptarja.com.
Raportimi i mjekëve
“Familja Preka është nga Velipoja. Në 18:50 erdhi i ati i vdekur, Edmond Preka, në 19:10 erdhi djali i vdekur 9 muajsh, Rajani. Me dëmtime të rënda që nuk mundi me rezistuar ishte vajza Ajseli dhe sapo erdhi ndërroi jetë. Në gjendje të rëndë është vajza tjetër Noemi dhe nëna Evisi. Të plagosur janë edhe Sokol Mëhilli dhe Andrea Gjergji në gjendje relativisht mirë. Kjo është një nga tragjeditë më të rënda që ka kaluar Urgjenca e Shkodrës. Tani janë sistemuar në reanimacion. Gjendja e tyre nuk lejon transportimin në Tiranë, më pas duke parë do veprojmë” thanë mjekët Astrit Lahja dhe Dhurata Ruçi.
