Një ngjarje e rëndë ka ndodhur në Suharekë të Kosovës, ku ka humbur jetën një i mitur pasi e kanë zënë dera e oborrit.
Sipas informacioneve të policisë, në momentin që i ka zënë dera, 8-vjeçari po luante me motrën e tij 6-vjeçare e cila ka pësuar lëndime të rënda.
Si pasojë e plagëve të marra i mituri ka humbur jetën në spital.
”Policia në Suharekë ka pranuar një informacion që dy fëmijë kanë kërkuar ndihmë mjekësore pasi i ka zënë dera e oborrit. Pastaj të dy janë dërguar në spitalin rajonal në Prizren, ku nga plagët një fëmijë 8-vjeçar, mashkull ka humbur jetë“, ka thënë Vesel Gashi, zëdhënës i Policisë së Kosovës për rajonin e Prizren.
Ndërkaq motra 6-vjeçare që po vazhdon të trajtohet ende në spital, pasi ka pësuar lëndime serioze./Opinion.al
