Një tren mallrash ka shpërthyer ndërsa lëvizte në fshatin verilindor të Hitrinos në Bullgari. Ngjarja ka ndodhur në orën 5.30 minuta të mëngjesit dhe nga ky shpërthim mësohet se deri më tani kanë humbur jetën 4 persona dhe kanë mbetur të plagosur 20 të tjerë. Treni ishte i ngarkuar me propan-butan dhe doli nga shinat para se të shpërthente.
Nikolai Nikolov, shef i departamentit lokal të zjarrit, tha se janë të paktën 20 persona që kanë pësuar lëndime të shumta si pasojë e flakëve dhe përplasjes.
Ekipet e shpëtimit deri tashmë kanë mundur të nxjerrin të paktën një dyzinë me njerëz nga rrënojat e ndërtesave të shembura si pasojë e përplasjes së trenit në to. BBC raporton se rreth 20 ndërtesa janë dëmtuar si pasojë e përplasjes së trenit.
