Të paktën 50 persona kanë mbetur të vdekur si pasojë e një konflikti që ka përfshirë një burg të sigurisë së lartë në qytetin brazilian, Manaus.
Lajmi është konfirmuar nga drejtori i burgut, Pedro Florencio.
Florencio ka thënë për mediat se deri në këto çaste ka të paktën 50 persona të vdekur.
Ndërsa, Sergio Fontes, drejtues për sigurinë për shtetin federal të Amazonës, ku ndodhet burgu në fjalë, në një konferencë për mediat, ka thënë: se numri i viktimave mund të rritet derisa autoritetet t’a kenë më të qartë nivelin e përballjes në mes të dy bandave rivale të drogës brenda burgut.
Në Brazil mbipopullimi i burgjeve është një fenomen prezent dhe si pasojë e kësaj, numri i trazirave që ndodhin është shumë i madh.
Brazili ka të dënuar 600 mijë persona dhe është vendi i katërt në botë me numrin më të madh të të dënuarve.
Grupet për të drejtat e njeriut ka kohë që ankohen rreth kushteve në burgjet e Brazilit.
