Trafiku i rënduar në kryeqytet ka bërë që këshilltarët e Partisë Demokratike në Bashkinë e Tiranës të dalin në një konference për mediat. Ata akuzojnë kryetarin e Bashkisë se ka bllokuar sheshin për hesapë të Edi Ramës dhe klienteve të tyre. Sipas tyre, Veliaj vendos qytetarët në fund të listës.
Deklarata e plotë
Sot Tirana, qendra e saj është në një emergjencë të madhe. Eshtë në një emergjencë të trafikut që po shkatërron nervat e qytetarëve të Tiranës, po shkatërron ekonominë e tyre, po i lë në mes të trafikut, po përkeqëson ndjeshëm cilësinë e ajrit në të gjithë zonën, dhe në anën tjetër është në një emergjencë shëndetësore pasi ambulancat, zjarrëfikësja dhe shumë mjete të tjera fizike, kanë një vështirësi të madhe për të kaluar dhe ngadalësojnë vazhdimisht hapin e tyre, duke përkeqësuar cilësinë e jetës së qytetarëve. Në anën tjetër, Erjon Veliaj vendos qytetarin e Tiranës në fund të listës së shqetësimeve, duke menduar vetëm për asfalt elektoral dhe beton elektoral. Ndërkohë që sot Tirana, ka nevojë të theksuar për shumë e shumë investime të tjera të dobishme, sicc janë ujësjellës kanalizime, pasi qyteti përmbytet ccdo herë dhe në ccdo rast që bie shi dhe ka nevojë për një stacion multi-modal të ri që të largojë shumicën e autobusëve dhe mjeteve publike nga qendra e qytetit duke lehtësuar trafikun, ka nevojë për një tram për qytetin që do të zvogëlonte ndjeshëm trafikun. Pra, ccfarë po bëhet nga e gjitha kjo? As edhe një gjë. Veliaj thjesht po bllokon qendrën e Tiranës, duke e bërë situatën edhe më të rëndë për xhepat e të gjithë qytetarëve, për shëndetin e të gjithë qytetarëve. Edhe unaza e vogël që duhej të ndërtohej e duhej të përfundonte është ende larg përfundimit të saj”, u shpreh Mateo Spaho, këshilltar i PD në Bashkinë e Tiranës.
