Kanë dalë emrat e të arrestuarve në Shqipëri në kuadër të operacionit ndërkombëtar të koduar “ASTROLABIO”, kundër trafikimit të klandestinëve. Mësohet se janë vënë në pranga Dushan Spahiu, Paulin Koçi, Petrit Pashaj, Indrit Hita, Enjat Myrtaj, Roland Ramadani, Emiljano Likaj (Gaçaj), Qazim Ismailaj, Fatjon Belaj, Zamir Muliu, banues në Vlorë.
Fatos Dusha, Robert Hysa, Arjol Lleshi, të tre banues në Tiranë. Fatjon Koçllari, banues në Durrës Kristiana Sako, banuese në Divjakë. Muhamed Abdurrahim Sherif (Alias) Abdel Rehim Muhamed Eli, banues në Egjipt. Mustafa Hysein Koseoglu, banues në Stamboll, Turqi. Mehdi Mamushli, banues në Iran.
Operacioni u zhvillua në tre shtete, Shqipëri , Greqi , Itali. U goditën 4 grupe kriminale që në bashkëpunim ndërmjet tyre trafikonin persona të ndryshëm nga Lindja e Mesme, me destinacion Italinë e Jugut dhe në vijim vende të tjera të BE-së.
