Një tjetër emër shqiptar del në mediat greke si i përfshirë në trafikun e madh të drogës. Ai është Dhimitër P. Gazeta “Kathimerini”, duke iu referuar hetimeve në Belgjikë, shkruan sot se një shqiptar tjeter që jeton në Belgjikë, që njihet me pseudonimin “Walter” është ndër më të rëndësishmit në këtë trafik. 50 vjeçari Dhimitër P. ka shtëpi në Tiranë, shkruan në tej gazeta.
Po sipas mediave greke, kreu i organizatës është Klemend Balili, i cili përdor pseudonimin “Kelly”. Ai ka depozita bankare 366 mijë Euro në bankat greke, 460 mijë Euro në Shqipëri dhe 100 mijë Euro në Belgjikë. Klemend Balili është biznesmen i njohur nga Saranda dhe njëherësh drejtor i Transporteve për këtë rreth.
Sipas gazetës, organizata ndërkombëtare e drogës ka aktivitet në Belgjikë, Holandë, Bullgari, Itali, Spanjë dhe vendet Nordike. Në rrjet, Shqipëria përmendet si vend furnizues i drogës, prej nga transportohet kryesisht në rruge ujore e pastaj shpërndahet me kamione.
