Një 26 vjeçar, banues në Itali, është vënë në pranga pasi trafikoi në Shqipëri një automjet të vjedhur në Norvegji.
Sipas hetimeve të policisë, shtetasi Gazment Trushi ka blerë në mënyrë të jashtëligjshme, një automjet tip “BMW”, të dyshuar të vjedhur në Norvegji, dhe më pas e ka trafikuar atë, në vendin tonë.
Në cilësinë e provës materiale është sekuestruar automjeti tip “BMW”.
Vijon puna për dokumentimin e rasteve të tjera të trafikimit të mjeteve, që mund të jenë kryer nga ky shtetas, dhe për identifikimin e shtetasve të tjerë të përfshirë në këtë veprimtari kriminale.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale./Opinion.al
