Policia e Vlorës ka arrestuar një person të shpallur në kërkim për trafikim në Shqipëri të automjeteve të vjedhura.
Në bashkëpunim me shërbimet e Policisë Kufitare në Portin e Durrësit, u ndalua shtetasi F. M., 33 vjeç, banues në Lezhë.
Ky shtetas ishte shpallur në kërkim, pasi dyshohet se ka bashkëpunuar me 2 shtetasit e proceduar penalisht ditën e djeshme, në kuadër të operacionit “Luxury cars”, për trafikimin në Shqipëri të 2 automjeteve të vjedhura në Itali, me vlerë rreth 280 000 euro, duke iu bërë ndryshime në elementet identifikuese dhe duke i pajisur këto automjete me dokumente false, me qëllim shitjen në vendin tonë.
Materialet procedurale i kaluan Prokurorisë, për veprime të mëtejshme.
