Një nga emrat më të njohur të botës së mafias italiane, Toto Riina është në grahmat e fundit të jetës. I sëmurë për një kohë të gjatë, ai është shtruar në repartin e të dënuarve në spitalin e Parmas. Ai është 87-vjeç dhe ra në koma dy ditë pas dy operacioneve të kryera.
I arrestuar më 15 Janar të vitit 1993 pas 24 vitesh në kërkim, ai konsiderohet udhëheqësi i padiskutueshëm i Cosa Nostra-s.
Riina aktualisht po vuan 26 dënime me vdekje për dhjetëra vrasje dhe masakra, duke përfshirë atë sheshin “Lazio” në Palermo, atentatet e vitit 1992 në të cilat Falcone dhe Borsellino vdiqën dhe masakrën e “via dei Georgofili” në Firence.
Ishte zgjedhja e tij të niste një luftë të armatosur ndaj shtetit italian në filli, të viteve ’90, shkruan ANSA. Ai kurrë nuk shfaqi një fije pendese për krimet e tij. Ndërsa vetëm tre vite më parë, teksa fliste me një tjetër të burgosur në burg, mburrej për vrasjen e Falcones dhe kërcënonte me vdekje magjistratët.
Procesi i fundit gjyqësor ku Riina është i pandehur, që është ende në zhvillim, i pagëzuar “Negocimi Shtet-Mafia”, e sheh mafiozin si të pandehur për kërcënime me vdekje ndaj trupës politike italiane.
Në javët e fundit Riina është operuar dy herë. Mjekët kanë paralajmëruar menjëherë se bosi mafioz, kushtet shëndetësore të të cilit janë përkeqësuar me kalimin e viteve, do ti mbijetonte ndërhyrjeve kirurgjikale. Por, tashmë jeta e njeriut që tmerroi një shtet të tërë, është në fije të perit.
