Këtë të hënë Cristiano Ronaldo është vlerësuar me çmimin “Topi i Artë”. Ylli i Real Madrid ka marr dyfishin e votave kundrejt rivalit të tij, Lionel Messi.
31 vjeçari ka marr kështu për të katërtën herë në karrierën e tij futbolliste një prej çmimeve më të rëndësishme në futboll.
Një ditë pas ceremonisë janë publikuar edhe votat e plota të 173 gazetarëve.
Secili prej tyre ka votuar për tre futbollist duke e vlerësuar alternativën e parë me pesë pikë, të dytën me tre dhe të fundit me 1 pikë.
Kështu, portugezi ka mbledhur plot 745 pikë në krahasim me 316 që kishte Messi.
Ronaldo gjatë vitit 2016 ka fituar Champions League me ekipin e tij, Real Madrid si dhe Kompionatin Evropian me Portugalinë.
