Kryetari i Frymës së Re Demokratike, Bamir Topi duke folur për reformën në drejtësi dhe ndasitë mes mazhorancës dhe opozitës për draftin, është shprehur se PD dhe PS po rrisin dyshimet se ligji nuk do të miratohet në Parlament më 21 korrik.
“Palët sa vijnë dhe e rrisin diferencën në pozicionime gjë që shton dyshimet që kjo reformë mund të mos
votohet. Tentativa për t’i mbajtur deputetët në rresht sigurisht që ka një merak dhe meraku është për të mos e
votuar. A ndodh kjo në datën 21? Më thoni, nëse ky parlament nuk miraton reformën në drejtësi, atëherë për
çfarë është? Unë kam bindjen se një pjesë e deputetëve nuk e dinë fare se çfarë përmban materiali”, ka
deklaruar Topi.
Ish-Presidenti ka folur dhe për nismën më të re të një grupi deputetët për zgjedhjen e Presidentit të Republikës
në mënyrë të drejtpërdrejtë me votim nga qytetarët. Në këtë aspekt, Topi kritikoi Blushin si një nga nismëtarët
kryesore duke i kujtuar ndryshimet e Kushtetutës së vitit 2008, “Nuk dëshiroj që ta personalizoj, por ndërkohë që unë kam bërë thirrje për President nga populli, Blushi votonte me entuziazëm Kushtetutën e vitit 2008ë që e bënte Presidentin të zgjidhej nga Kuvendi me 71 vota. Pra, të kërkojë njëherë ndjesë për atë pozicionim të qartë antidemokratik për atë rrudhje dhe shtrembërim të
Kushtetutës së vitit 2008 dhe pastaj t’i bashkëngjitet këtij qëndrimi që për mua qëndron dhe Presidenti duhet të
zgjidhet nga populli”, përfundoi Topi.
