Ish-kryeparlamentarja, Jozefina Topalli i është bashkuar protestës së sotme të opozitës para parlamentit.
Në fjalën e saj, Topalli ka sjellë në vëmendje kohen kur Kuvendi drejtohej nga vetë ajo dhe kur socialistët asokohe në opozitë shkaktonin kaos me bilbila dhe megafonë.
Topalli tha se asnjëherë për ta nuk është marrë vendimi për përjashtim nga punimet e Kuvendit.
Ndërkaq, ajo komentoi edhe mungesën e Nikollës në seancën e sotme. Topalli tha se e kanë fshehur kryetaren e Kuvendit.
“Kryetarin e Parlamentin e paskan fshehur sot. Kur ishin në opozitë merrnin mikrofona e artopolanta, por asnjë nuk i përjashtonte nga parlamenti. Përballja me krimin nuk është e thjeshtë, por nuk është e pamundur. Përballja me fuqinë e korrupsionit, nuk është e thjeshtë, por nuk është e pamundur. Mjafton që të vendosim që ky vend të mos shpopullohet më. Mjafton të vendosim të protestojmë. Ka vetëm një mënyrë, duke protestuar fiton. Duke protestuar në shesh fiton të drejtën e dinjitetit”, tha Topalli.
