Të gjithë po prisnin se si do ishin seritë e reja të emisionit më të ndjekur në botë, “Top Gear”, tashmë pa prezantuesin legjendar, Jeremy Clarkson.
Dhe debutimi ka qenë një dështim për prezantuesit e rinj, Chris Evans dhe Matt LeBlanc.
Në total rreth 4.7 milionë ndjekës u vendosën përpara ekranit për të parë serinë e parë, ndërkohë që pritshmëritë ishin për minimalisht 5 milionë ndjekës.
Pasi kanë shpenzuar tetë muaj duke xhiruar në nëntë vende të ndryshme, me katër prezantues shtesë në program, sërish ata e nisën me 4.4 milionë ndjekës në Britani, duke arritur në 4.7 milionë gjatë pikut, raporton mapo.
Për t’i bërë gjërat akoma më keq, ky episod ishte më dobët se programi i fundit i drejtuar nga Jeremy Clarkson.
Së bashku me Richard Hammond dhe James May, ata shënuan 5.3 milionë shikues në episodin e fundit.
Në kulmin e tyre në vitin 2007, ata kapnin deri në 8.4 milionë ndjekës.
Shikuesit mbetën të zhgënjyer, disa thanë se Chris Evans më kot mundohej të ngjante sikur ishte Jeremy Clarkson.
“Një Clarkson i dobët,” shkruante dikush.
