Tom Hanks është shprehur se është përgjegjës për diagnozën e tij të diabetit sepse është sjellë si “idiot” në të shkuarën me dietën ushqimore dhe peshën.
Aktori i njohur është diagnostikuar me diabet të tipit 2 që në 2013-n dhe asokohe u shpreh se ulje-ngritjet e tij në peshë sidomos gjatë filmave “Castaway” dhe “Philadelphia” mund të kenë lidhje me shfaqjen e sëmundjes.
“Jam pjesë e amerikanëve dembelë që kanë kërcyer pa fund gjatë mbrëmjes dhe në fund e gjejnë veten të sëmurë”, tha së fundmi Hanks.
“Isha i shëndoshë, më keni parë në filma. Isha një idiot kokë e këmbë. Mendoja se po të hiqja disa ushqime do ta shmangia këtë, por në fakt nevojitet shumë më shumë se kaq”.
Gjithsesi aktori u shpreh se doktori i ka thënë se nëse arrin peshën e duhur mund të shpëtojë nga diabeti./shije.al
