Të moshuar të braktisur dhe të uritur, disa të lënë mes jashtëqitjve të tyre , disa të vdekur pa patur pranë askënd që të kujdesej. 31 viktima në pak javë. Është ky tmerri që raportohet nga një azil privat i quajtur “Herron” në një zonë të Montrealit. Të moshuarit kanë mbetur vetëm, kur pas shpërthimit të epidemisë së koronavirusit stafi është larguar pa njoftuar askënd.
Rasti që ka shokuar vendin, është tashmë subjekt i një hetimi, ndërsa ka rritur vëmendjen në shtëpitë e të moshuarve në Kanada, ku janë raportuar edhe gjysmat e vdekjeve në vend, për momentin më shumë se 1250.
“Përse nuk ka njoftoi askush?”, shprehet Moira Davis, babai i së cilës vdiq në qendrën “Herron”. Gruaja është alarmuar kur ka dëgjuar babain, Stanley, 96 vjeç që në telefon dukej gjithmonë e më i dobët. Ai vdiq një javë pasi ishte prekur nga koronavirusi./Opinion.al
