Një avion Boeing 737 me pasagjerë të nisur nga aeroporti i Tiranës, është detyruar të bëjë një ulje emergjente pasditen e së martës në pistën e aeroportit Raffaello Sanziu në Falconara, Itali, me mbi 100 pasagjerë në bord.
Mediat italiane shkruajnë se ngjarja ka ndodhur rreth orës 18:30, ku avioni i kompanisë Blu Panorama u detyrua të bëjë një ulje emergjente për shkak të dëmtimit të një dritarjeje. Avioni ishte nisur nga aeroporti i Rinasit për në Malpensa në Milano me 143 persona në bord.
Nga hetimet e para, dëmtimi i dritares detyroi komandantin të devijojë drejtimin duke u ulur në pistën e Sanzio. Pasagjerët u trembën, por nuk pati asnjë të plagosur. Avioni u rinis, por pa udhëtarët që mbetën të gjithë në Ancona./Opinion.al
Linku i shkrimit: http://www.anconatoday.it/cronaca/atterraggio-emergenza-falconara-aereo-aeroporto.html
