Një person i shpallur në kërkim për tjetersimin e pronave tek Rana e Hedhun është arrestuar nga policia e Lezhës. Për dosjen “Ranishtja 4” janë akuzuar 23 persona, mes tyre zyrtarë si kryetari i Bashkisë Lezhë, Fran Frrokaj dhe kryetari i qarkut, Gjok Ndoka.
Së fundmi në pranga është vënë shtetasi Nikoll Tinaj, 58 vjeç nga Shëngjini, pasi ndaj tij Gjykata ka dhënë masën ‘arrest me burg’ për falsifikim dokumentesh.
Njoftimi i policisë
Në vijim të Operacionit “Ranishtja 4” , ku u arrestuan 12 shtetas dhe u shpallen në kërkim 11 shtetas të tjerë, kapet dhe ndalohet një tjetër prej të shpallurve në kërkim.
Nga Specialistët për Hetimin e Krimit Ekonomiko – Financiar në D.V.P. Lezhë, në bashkëpunim me Drejtorinë Operacionale në Policinë e Shtetit si dhe me Sektorin për Hetimin e Korrupsionit në Departamentin e
Policisë Kriminale është bërë kapja dhe ndalimi i shtetasit :
-Nikoll Tinaj, 58 vjeç , banues në Ishull Shëngjin – Lezhë.
Ndaj këtij shtetasi Gjykata e Rrethit Gjyqësor Lezhë me Vendim Nr.104 datë 26.03.2018, ka caktuar masën e sigurimit personal “Arrest në burg”, për veprën penale “Falsifikimi i dokumenteve”.
Vijon puna për kapjen e personave të tjerë të shpallur në kërkim.
