Një tragjedi e re detare me viktima 8 emigrantë ka ndodhur në zonën detare në veri të ishullit grek të Samos, në Egjeun Lindor.
Një gomone e mbushur plot është mbytur në zonën shkëmbore të Shën Antonit dhe deri tani pas një operacioni që është duke u zhvilluar nën koordinimin e Qendrës së Bashkuar Koordinuese të Kërkimit dhe Shpëtimit janë gjetur trupat pa jetë të 6 fëmijëve dhe dy grave, ndërsa 36 emigrantë të tjerë janë shpëtuar.
Ende nuk dihet numri i saktë i personave në bordin e gomones që është nisur nga brigjet turke, ndërsa në zonë mbizotëronte mot i keq dhe deti ishte mbi 5 ballë.
Në operacion marrin pjesë dy anije shpëtimi dhe një mjet lundrues i Rojës Bregdetare greke, një avion dhe një helikopter, si dhe forca policore.
