Pas Gjirokastrës, LSI i kanë ikur edhe katër anëtarë të këshillit bashkiak në Fier. Ata kanë deklaruar se do të kalojnë me PS. Konkretisht mësohet se janë larguar Drita Sauli, Natasha Yzeiraj, Ekaterina Zarka dhe Thoma Tyto.
“Largohemi menjëherë nga kjo force politike dhe i bashkëngjitemi grupit të këshilltarëve të PS. Nuk mund të rrimë në një forcë politike bashkë me PD-në. Të rrish krah PD-së do të thotë të pranosh politikën antishqiptare”, thanë në deklaratën për mediat nga selia e PS, katër këshilltarët e larguar nga LSI.
