Ministrja e Turizmit dhe Mjedisit, Mirela Kumbaro ka publikuar shifrat se sa udhëtarë kanë vizituar Shqipërinë gjatë muajit Shkurt.
Sipas të dhënave të ministrisë së Turizmit, rreth 1 milion turistë të huaj kanë vizituar Shqipërinë në dy muajt e parë të vitit 2024.
Kumbaro ka publikuar shifrat e flukseve hyrëse e muajit Shkurt, ku më shumë se 480 mijë vizitorë të huaj kanë vizituar vendin tonë.
Sipas postimit të ministres, për dy muajt e parë të vitit 2024 kanë udhëtuar drejt Shqipërisë 41% më shumë turistë të huaj krahasuar me të njëjtën periudhë të vitit 2023, vit i cili shënoi rekord turistësh të huaj.
“Fantastike shifrat e muajit shkurt, me 55% më shumë vizitorë se shkurti i vitit të kaluar, duke bërë që Shqipëria të presë rreth 1 milionë turistë të huaj vetëm në dy muajt e parë të vitit 2024”./Opinion.al
